Líf eftir fíkn

Fíkn er meira en áfengi og vímuefni

Fíkn snýst ekki bara um áfengi eða vímuefni. Matur, leikir, kynlíf, innkaup, vinna eða stafrænir fjölmiðlar geta líka orðið að fíkn.
Það sem allar tegundir fíknar eiga sameiginlegt er að þær geta yfirtekið stjórnina á lífi þínu og haft skaðleg áhrif á sambönd, heilsu og vellíðan.

Með hverjum get ég unnið?

Ég vinn ekki með fólki í virkri misnotkun heldur fólki sem hefur sigrast á fíkn og vill halda áfram að vinna í sjálfu sér, t.d. að persónulegum þroska, læra að takast á við erfiðleika eða að byggja upp nýtt líf.

Undirliggjandi ástæður

Margir hafa glímt við geðræn vandamál, jafnvel áður en fíknivandinn hófst, svo sem þunglyndi, kvíða eða lágt sjálfsmat.
Að viðhalda lífi án fíknar krefst þess að tekið sé á þeim undirliggjandi orsökum sem eru til staðar.

Persónulegur þroski eftir fíknitímabil

Þegar fólk hefur verið laust úr viðjum fíknar í svolítinn tíma, ef til vill nokkur ár, er ekki óalgengt að það vilji skilja sjálft sig betur og nota þá reynslu sem það hefur að baki til þess að öðlast þroska og skapa merkingu í lífinu.

Frelsi og líf í jafnvægi

Í meðferðinni vinnum við að því að skilja hvað liggur að baki reynslu þinni, finna nýjar leiðir til að takast á við tilfinningar og áskoranir og styrkja sjálfið svo þú getir lifað frjálsu lífi í góðu jafnvægi.