Meðvirkni

Hvað er meðvirkni?

Meðvirkni er hegðunarmynstur þar sem þú setur þarfir annarra ofar þínum eigin, oft á kostnað eigin vellíðunar.

Meðvirk samskipti þróast oft í fjölskyldum eða samböndum þar sem fíkn, veikindi, óstöðugleiki eða stjórnun er til staðar og getur gert fólki erfitt að setja mörk, standa með sér og byggja upp heilbrigð sambönd.
.

Dæmigerð einkenni meðvirkni

• Þú reynir stöðugt að þóknast öðrum, líka þegar það gengur gegn þínum eigin vilja.
• Þú átt erfitt með að segja nei eða setja mörk.
• Sjálfsálit þitt tengist því hversu vel þér tekst að láta öðrum líða vel.
• Þú upplifir kvíða, sektarkennd eða tómleika án ástæðu.
• Þú átt erfitt með að vera ein/n eða óttast höfnun.

Afleiðingar

Meðvirkni getur viðhaldið óheilbrigðum samböndum og aukið hættuna á kulnun, óánægju og þunglyndi.

Samhliða getur hún viðhaldið lágu sjálfsmati og gert þér erfitt að ná eigin markmiðum vegna þess að orka og athygli beinist stöðugt að öðru fólki.

Þetta lokar á þau tækifæri sem annars gefast til þess að kynnast sjálfum sér og þróa sterka sjálfsmynd.

Meðferðarvinnann

Í samtalsmeðferð vinnum við að því að:

• Greina og skilja þau meðvirknismynstur sem eru til staðar í lífi þínu

• Byggja upp sjálfsálit og sjálfstraust

• Læra að setja heilbrigð mörk

• Byggja upp sambönd út frá jafnvægi og gagnkvæmri virðingu

• Enduruppgötva eigin þarfir og langanir

• Læra að setja þig í forgang og taka tilfinningar þínar og þarfir alvarlega

Möguleikinn á breytingum

Þú þarft ekki að halda áfram að lifa í þessu mynstri. Með réttum stuðningi geturðu brotist út úr vítahringnum og byggt upp líf þar sem þú missir ekki sjónar af sjálfum þér.