Þunglyndi
Þunglyndi – meira en bara depurð
Þunglyndi er alvarlegur geðsjúkdómur sem hefur áhrif á hugsanir, tilfinningar og hegðun. Það er frábrugðið venjulegri sorg að því leyti að það er viðvarandi og hefur áhrif á daglegt líf.
Dæmigerð einkenni
- Viðvarandi depurð eða leiði
- Vonleysi og tilgangsleysi
- Skortur á orku og frumkvæði
- Svefntruflanir eða truflanir á matarlyst
- Minni áhugi á hlutum sem þú hafðir áður gaman af
- Vandamál með minni og einbeitingu
- Lágt sjálfsmat og sjálfsgagnrýni
Mögulegar orsakir
Þunglyndi orsakast af ýmsum þáttum: streituvaldandi viðburðum, áföllum, líkamlegum veikindum eða líffræðilegum aðstæðum. Oft er þó um að ræða samspil nokkurra þátta.
Meðferð
Árangursrík meðferð getur falist í:
- Sálfræðimeðferð – t.d. hugrænni atferlismeðferð (HAM) til að breyta neikvæðum hugsanamynstrum
- Lyfjameðferð, ef þörf krefur
- Lífsstílsbreytingar sem geta stutt við bataferlið
- Fagleg hjálp er nauðsynleg og stuðningur frá fjölskyldu og vinum getur verið mjög mikilvægur.
Taktu fyrsta skrefið
Ef þú eða einhver sem þér þykir vænt um finnur fyrir einkennum þunglyndis er mikilvægt að leita hjálpar. Því fyrr sem aðstoðin berst, því betri eru líkurnar á bata.
Sjálfsvígshugsanir – Hvert er hægt að leita?
Ef þú eða einhver sem þú þekkir glímir við sjálfsvígshugsanir eða sjálfskaðandi hegðun má alltaf hafa samband við Píeta-samtökin, og í síma 552-2218. Þá er hjálparsími Rauða krossins opinn allan sólarhringinn í síma 1717 og netspjall á heimasíðunni 1717.is.
Samskiptaeyðublað
Hefurðu spurningar sem ekki hefur verið svarað hér eða viltu bóka tíma eða fyrsta samtal? Sendu mér skilaboð hér – ég svara þér eins fljótt og auðið er.